Aurtengoa ospakizun berezia izango da, U2 tabernak etapa berriko hamargarren urteurrena ere ospatuko duelako, hain zuzen.
11:30ean haurrentzako puzgarriak jarriko dituzte plaza inguruan. Elektrotxaranga batek jai-giroa jarriko du herrian, eguerdian bazkari herrikoian batu arte. 17:30ean pultsu txapelketa hasiko da, DJ Bekosueren musikak lagunduta. Ospakizun eguna musikagaz agurtuko dute: Durangaldeko Storm eta Sermond's taldeekin batera, The Wilsons eta Suzio 13 taldeak zuzenean arituko dira.