Mañariko Udalak agindutako ikerketa soziodemografikoak azaleratu duen datuetako bat da. 2027ra bitarteko prospekzio segururik ezin daiteke egin, etorkizuneko migrazio mugimenduak ere aintzat hartu behar direlako. Ildo horretatik, nabarmentzekoa da udalerritik kanpoko biztanleria erakartzeko gaitasuna izan duela Mañariak XXI. mendean.
30 eta 44 urteko 128 herritarrak biztanleria osoaren %24,7 dira. Portzentaia hori “Hego Euskal Herriko udalerri askorena baino garrantzitsuagoa da”, azterketak jasotzen duenez. Horren ondorio da azken urteetako “jaiotza kopuru handia”; 14 urtera arteko 84 ume daude Mañarian.
Baina adin tarte bi horien artean hutsunea nabari da. 15 eta 29 urte arteko 60 herritar daude, 80 eta 90eko hamarkadetako jaiotza-tasa baxuaren isla. Horregatik egon daiteke jaiotza-tasa baxua datozen urteetan.
Mañariko biztanleria adinaren arabera aztertuz gero, berau etorkizun hurbilean “nabarmen” zahartuko dela jasotzen du azterketak. 2027. urtean zahartze tasa gaur egungoa baino 6 puntu handiagoa izan daiteke. Izan ere, 45-65 urte artekoak adin tarterik handieneko taldea dira: 144.
Bizikidetza unitateei dagokienez, pertsona bakarrekoak nagusitzen dira (%32). Fenomeno hau landa-eremuan are nabarmenagoa da, herrigunean baino ia hiru puntu handiagoa.
| BIZTANLERIA ADIN TARTEKA 0-14 URTE ARTEAN • Landa-eremua: 24 • Herrigunea: 60 • Guztira: 84 15-29 URTE • Landa-eremua: 19 • Herrigunea: 41 • Guztira: 60 30-44 URTE • Landa-eremua: 27 • Herrigunea: 101 • Guztira: 128 45-64 URTE • Landa-eremua: 44 • Herrigunea: 100 • Guztira: 144 <65 URTE • Landa-eremua: 47 • Herrigunea: 55 • Guztira: 102 BIZIKIDETZA UNITATEAK Kide batekoak: • Landa-eremua: 21 • Herrigunea: 39 Bi kidekoak: • Landa-eremua: 9 • Herrigunea: 20 Hiru kidekoak: • Landa-eremua: 12 • Herrigunea: 34 Lau kidekoak: • Landa-eremua: 10 • Herrigunea: 16 Bost kidekoak: • Landa-eremua: 5 • Herrigunea: 11 |