Etxebizitzetan urteko ematen den ur kontsumoa oinarri hartuta atera dute datu hori. Hutsik dauden edo erabilera iraunkorrik ez duten 146 bizilekuetatik 69 landa eremuan daude, eta gainerako 77 etxebizitzak herrigunean daude.
Batez ere eraikin zaharrak dira hutsik daudenak. Balizko bizileku hutsen %53 1950-2000 epealdian eraiki zen. Landa eremuari dagokionez, XIX. mendea baino lehenagokoak dira asko.
Ikerketak jasotzen duenez, herriko biztanleriaren zahartze maila progresiboaren ondorioz gaur egun okupatuta dauden etxebizitza parkearen %6,2 (dozena bat bizileku) hutsik geratzeko arriskua dago hurrengo hamarkadan.
Irtenbide bila
Datu horiek joan zen astean egindako herri batzarrean jakinarazi zituzten. Gobernu Taldeko (EH Bildu) Ismene Uriarte zinegotziak azaldu duenez, bazuten susmoa herriko etxibizitza hutsen kopurua handia zela, eta diagnostikoak susmoa baieztatu du. Errealitate hori abiapuntu hartuta, zer pauso eman aztertzen ari direla esan du. Esaterako, landa eremuetan baserriko etxebizitza bat baino gehiago egin ahal izateko ordenantza moldatzea mahai gainean duten gaia da.
ETXEBIZITZAK GUZTIRA • Landa eremuan: 116 • Herrigunean: 204 • Guztira: 320 HUTSIK EGON DAITEZKEEN BIZILEKUAK • Landa eremuan: 69 (%59,5) • Herrigunean: 77 (%37,7) • Guztira: 146 (%45,6) BIZILEKU HUTSAK EGITURAREN ARABERA Kolektiboak: • Landa eremuan: 3 • Herrigunean: 47 Familiabakarrekoak: • Landa eremuan: 55 • Herrigunean: 20 Daturik ez: • Landa eremuan: 11 • Herrigunean: 10 HUTSIK GERATZEKO ARRISKUAN (2027ra artean) • Landa eremuan: 7 • Herrigunean: 5 BIZILEKU HUTSEN ANTZINATASUNA 1950 baino aurrekoak: • Landa eremuan: 30 • Herrigunean: 13 1951-2000 • Landa eremuan: 27 • Herrigunean: 42 2001-2017 • Landa eremuan: 5 • Herrigunean: 13 |