Erasotzailea atxilotu egin zuten. Udaleko iturriek azaldu dutenez emakumeak salaketa bat ere jarri du. Gaur goizean premiazko udalbatzarra egin dute adierazpen instituzional bat onartzeko. Indarkeria kasuaren aurrean “gaitzespena eta arbuioa” adierazi dute eta erasotutako emakumeari “elkartasuna” helarazi diote. Gizarte Zerbitzuak erasoa jasandakoaren beharretara jarri dituztela adierazi du Endika Jaio alkateak, eta erasotua sentitzen den edonor kasua salatzera animatu du, “hori baita lehenengo pausoa”.
Gaur arratsalderako kontzentrazioa deitu dute. 20:00etan Mañariko plazan elkartuko dira Indarkeria matxistarik ez! Ez Mañarian, ez inon! lelopean.