Mikel Bizkarrak denboraldiko bigarren lasterketan podiumera igotzea lortu du. Andratxeko etapan, mañariarrak mendiko sailkapenean gailentzea lortu du. "Banekien Puig Majorreko mendatea lehen igarotzen zuenak mendiko saria lortuko zuela. Beraz, 300 metro falta zirenean erasoa jotzea erabaki dut", aitortu du lasterketa amaitu bezain pronto Bizkarrak.
Behin mendiko sailkapena irabazita Garikoitz Bravo taldekideari laguntzen aritu dela azaldu du Murias taldeko txirrindulariak. Tim Wellensek irabazi duen lasterketan 33. postuan helmugaratzea lortu du.