Martxoaren 14rako egun osoko egitaraua antolatu dute. Herriko dantzarien saioagaz emango diote hasiera Borrokalari Egunari, eta, ondoren, herri kirolak, bertsolariak, pilota partiduak eta triki poteoa egongo dira, besteak beste. 15:00etan herri bazkaria egongo da, eta Burrunba elektrotxaragagaz eta Apokhalipsis, Desein eta Storbais taldeen kontzertuekin emango diote amaiera egunari.
Ander Martinen senitartekoek jakinarazi dutenez, herri bazkariko txartelak salgai daude dagoeneko. Tiketak pilotalekuan, Idoiaren dendan, Herriko Tabernan zein Jubilatuen Etxean erosi daitezke. 666 38 51 70 telefono zenbakira idatzita ere egongo da erosteko aukera.
Menuari dagokionez, bi egongo dira. Bata umeentzat, makarroiak eta haragi-bolak, 15 euroan. Bestea nagusientzat, marmitakoa eta haragi-bolak, 25 euroan.
Errifak salgai
Martinen omenezko eguna aurrera ateratzeko, errifak salgai ipiniko dituzte. Antolakuntza lanetan dabiltzanek jakinarazi dute "sari potoloak" zotz egingo dituztela. Errifen zozketa jaialdiko egunean bertan egingo dute, 17:00etan.