Mallabiko Udalak berriro ekingo dio 'Zapatuero' programari, herriko haur eta gazteei zuzendutako aisialdi-eskaintzari. Ekimen hau tailer, kultura eta kirol jarduera desberdinez osatuta egongo da, eta 4 eta 16 urte bitarteko haur eta gazteek parte hartu ahalko dute.
Udaletik jakitera eman dutenez, gizarte kohesioa sustatu, euskararen erabilera indartu eta berdintasuna, inklusioa, sormena, osasuna eta teknologiaren erabilera arduratsua bezalako balioak bultzatzea du helburu.