Hainbat hilabetetako egokitzapen lanen ondoren, atzo ireki zituen ateak Mallabiko denda berriak. Udalaren lokal honen gestioaz Idoia Allende Urizar arduratuko da eta honako ordutegia izango du: astelehenetik barikura 9:00etatik 13:00etara egongo da zabalik eta zapatuetan 9:30etatik 13:30era.
Denda elikagai, etxeko eguneroko erabilerako artikulu eta oinarrizko beharrak asetzeko bestelako produktuen salmentara bideratuta dago.
Udaletik jakitera eman dutenez, tokiko enpresa-jarduera sustatzea, hiriguneko merkataritza dinamizatzea eta txikizkako merkataritza biziberritzea du helburu, herritarren bizitza-kalitatea hobetuko duen garapen jasangarriaren eredua bultzatuz.