Urriko jaietan txosna jartzea gura duten elkarteek urriaren 10era arteko epea izango dute eskaria egiteko.
Interesatutako elkarteak eskaera telematikoa aurkeztu beharko dute, beharrezko dokumentazioa gehituta. Udaletik jakitera eman dutenez, behin txosna instalatzeko baimena jasota, erantzukizun zibileko aseguru-poliza bat aurkeztu beharko da. Eta txosnaren jarduera hasi aurretik, muntaketa egiaztatzen duen ziurtagiria aurkeztu beharko dute. "Txosnak modu ordenatuan eta seguruan instalatuko direla bermatu gura dugu, urriko jaien garapen egokia indartuz eta, aldi berean, tokiko elkarteek udalerriko jai-bizitzan parte hartzea sustatuz", azaldu dute udaletik.