Mallabia Kirol Elkartearen Mallabia Cup torneoak 23. aldia beteko du zapatu honetan. Aurten torneo bi antolatu dituzte: futbolekoa eta saskibaloikoa.
Futboleko torneoak bi kategoria (prebenjaminak eta benjaminak) eta bost klub ditu: AD Mallabia, Durangoko Kulturala, Ermua CD, Zaldua Kirol Elkartea eta Villa de Ermua futbol eskola. Azkaldean eta eskolan jokatuko dute, 09:30etik aurrera.
Saskibaloi torneoa benjamin eta kimu mailetakoa da eta hiru taldek parte hartuko dute: Elorrio K.T., AD Mallabia eta Ermua Saskibaloi Taldea. Partidu guztiak eskolan jokatuko dira, 15:30ean hasita.