Bideoklipa bira osoan zehar batutako irudigaz osatua dago. "Zenbat bizipen elkarrekin; hala nola, furgonetako orduak, desorduak, urduritasunak, barre algarak, harrotasuna eta konplizitatea elkarbanatu dituzte gailurraren igoeran eta baita jaitsieran ere, eta guzti horrek lantalde bat izateaz gain, familia ere bilakatu ditu", azaldu du Izarok ohar baten bidez. "Cerodenero bira aurten bukatuko den arren, nire lantaldea betiko izango da dreamteam, eta Ordu bik eta laurden nire ametsaren bidea nirekin eraki dutenei maite ditudala esateko modu bat da. Zetako zuek gabe, inora zuek gabe", gehitu du ohar berean.
Azken hilabeteetan abesti solteak kaleratu ditu mallabitarrak; horiek Perlak deituriko EP batean kaleratuko ditu.