Igor Olalde Agirregomezkorta 'Ardantza' ezizenagaz ezaguna zen Mallabian. Ezaguna eta baita maitatua ere. Horregatik, bere herrikide eta lagunek omenaldi hunkigarria egin zioten zapatuan, 52 urte beteko lituzkeen egunean. Argazki erakusketa, kontzertuak eta beste hainbat ekitaldi mimoz antolatu zituzten 'Ardantza'-ren ingurukoek. Bere familiari, oroigarria ere oparitu zioten.