Atzo Mallabiko Biharko Izarrak txapelketaren 21. aldia aurkeztu zuten Trabakua Behekoa jatetxean. Emakumeetan lau pilotari ariko dira lau eta erdiaren barruan: Zabaleta, Ibarrola, Arraiza eta Gaminde. Denek denen kontra jokatuko dute eta bi onenak finalerako sailkatuko dira.
Gizonetan, 16 pilotari lehiatuko dira binaka multzo bitan banatuta. Joko-sistema urteroko berdina da: ez dago bikote finkorik. Horixe da Mallabiko txapelketa berezi egiten duena. Durangaldeak ordezkari bat izango du: Aingeru Bernaola mañariarra. Aurten bigarren aldiz parte hartuko du. Iaz finalerdiak arte heldu zen, lehenengo faseko partidu guztiak irabazita. Aurten, momentuz behintzat, ez dago puntu-puntuan. "Une honetan ez nago nire jokorik onenean. Partiduak jokatu ahala jokoa eta konfiantza hartzea dut helburu", adierazi du mañariarrak. Lehenengo partidua eguen honetan jokatuko du: Apezetxea eta biek Lizeaga eta Elorz izango dituzte kontrario. Oraintsu, Euskal Herriko Pilota Txapelketa irabazi du Bernaolak Ohorezko Mailan Xabi Rekalderekin bikotea osatuz.
Biharko Izarrak txapelketako finalerdiak maiatzaren 29an jokatuko dira. Finalak ekainaren 6an izango dira.
EGUTEGIA
Apirilak 3, 21:00
- Gizonak: Irribarria-Apeztegia / Amiano-Santesteban
- Gizonak: Apezetxea-Bernaola / Lizeaga-Elorz
Apirilak 10, 21:00
- Gizonak: O.Etxeberria-Azpiroz / Lizeaga-Sotil
- Gizonak: Fernández-Landa / Amiano-Calvo
Apirilak 16, 20:45
- Emakumeak: Zabaleta-Ibarrola
- Gizonak: Irribarria-Santesteban / Rekalde-Landa
- Gizonak: O.Etxeberria-Sotil / Zubizarreta-Bernaola
Apirilak 24, 20:45
- Emakumeak: Ibarrola-Arraiza
- Gizonak: Zubizarreta-Azpiroz / O.Etxeberria-Elorz
- Gizonak: Rekalde-Apeztegia / Irribarria-Calvo
Apirilak 30, 20:45
- Emakumeak: Zabaleta-Gaminde
- Gizonak: Amiano-Apeztegia / Fernández-Santesteban
- Gizonak: Lizeaga-Azpiroz / Apezetxea-Sotil
Maiatzak 8, 20:45
- Emakumeak: Zabaleta-Arraiza
- Gizonak: Zubizarreta-Elorz / Lizeaga-Bernaola
- Gizonak: Rekalde-Calvo / Amiano-Landa
Maiatzak 15, 20:45
- Emakumeak: Ibarrola-Gaminde
- Gizonak: Fernández-Calvo / Rekalde-Santesteban
- Gizonak: Apezetxea-Elorz / Zubizarreta-Sotil
Maiatzak 22, 20:45
- Emakumeak: Arraiza-Gaminde
- Gizonak: Apezetxea-Azpiroz / O.Etxeberria-Bernaola
- Gizonak: Fernández-Apeztegia / Irribarria-Landa
Maiatzak 29: Gizonen binakako finalerdia
Ekainak 6: Finalak