Azaroaren 8tik 11ra bitartean Mallabiko XXXV. Idi Proba Txapelketa jokatuko da. Hiru egunetan jokatuko da: gaur barikua, bihar zapatua, eta astelehenean. Jardunaldi guztiak Mallabiko udal probalekuan izango dira eta 21:00etan hasiko dira. Hamaika idi pare arituko dira guztira. Lehenengo jardunaldia gaur izango da, azaroak 8, eta honako idi pareak lehiatuko dira: Zornotza Anaiak, Arane Jatetxea, Zumeltxu eta Soarte.
Bigarren jardunaldia zapatuan izango da, azaroaren 9an. Egun horretan, lau idi pare lehiatu beharrean, hiru lehiatuko direla azaldu dute antolatzaileek: Mendigoitxi, Igeldo eta Lopategi.
Hirugarren eta azken saioa azaroaren 11n izango da, datorren astelehenean. Egun horretan ere hiru idi pare lehiatuko dira: Billabaso, Kamiñoko eta Elorrieta.