Barikuan Biharko Izarrak txapelketako finalak jokatu zituzten Mallabiko pilotalekuan. Partiduen harira 20 . urteurrena ospatzeko ekitaldiak izan ziren, hala nola, omenaldiak, bertsoak eta dantzak.
Finalei dagokienez, Iker Egiguren azpeitiarrak eta Carmelo Loza errioxarrak uste baino errazago jantzi zuten txapela Apezetxea eta Landa 22-8 menderatuta. Emakumeen buruz burukoan askoz final estuagoa jokatu zuten Leire Garaik eta Miren Larrartek. Biek izan zituzten irabazteko aukerak 21na berdinduta egon zirelako. Azken tantoa Garairen aldera joan zen eta berak jantzi zuen txapela.
(Argazkiak: Julen Uribe)