Iratxe Uribelarrea abesbatzako zuzendariak jakinarazi duenez, Mendibil abesbatzako kideek hamaika abesti kantatuko dituzte data seinalatu hau omentzeko baliatuko duten kontzertuan. Mendibil abesbatzako kideek gonbidatu bereziak izango dituzte kontzertuan: herriko Jasokunde abesbatzakoak eta Gazte Alaiak dantza taldekoak. Uribelarreak esan du soinu eta argi teknikari baten laguntza ere izango dutela. Kontzertua frontoian izango da, 19:00etan. Kontzertuan bertan, 20 urteko ibilbidearen argazkiak proiektatuko dituzte.
Abesbatzako zuzendariak esan du herrian errotuta dagoen Mendibil abesbatza ondo dagoela "osasunez". "Gaur egun 22 lagunek osatzen dugu abesbatza; sortu zenean beste kide gaude, gutxi gorabehera", argitu du.