Mallabiko Bertsolari Gazteen Txapelketako lehenengo kanporaketan Unai Izagirre eta Aissa Intxausti sailkatu dira finalerako

Anboto 2023ko aza. 18a, 10:20
Deskargatu Info Ahotsak :

Aissa Intxausti (ezkerretik hirugarrena) eta Unai Izagirre (eskumatik bigarrena), joan zen asteburuko bertso afarian. Balentin Mugarza

Joan zen barikuan Mallabiko Bertsolari Gazteen Txapelketako lehenengo kanporaketa jokatu zuten Goitia auzoko San Juan soziedadean. Unai Izagirre, Aissa Intxausti, Irati Alcantarilla eta Iker Garitagoitia aritu ziren bertsotan, eta lehenengo biak sailkatu ziren finalerako: Izagirre azkoitiarra eta Intxausti lekeitiarra. 

Bertso afariko publikoak osatu zuen epaimahaia. Baturiko bertsozaleek paper banatan apuntaturiko puntuazioa gehituz erabaki zituzten finalista biak. 

Bigarren kanporaketa azaroaren 24an izango da, 21:30ean, Berano auzoko Artixeko soziedadean. Bertatik beste finalista bi irtengo dira, lau hautagai hauen artean: Ane Zuazubiskar, Ibai Amillategi, Oier Etxeberria eta Gorka Pagonabarraga. Bertso afari horretarako txartelak Herrikoan edo frontoian eskuratu daitezke, 25 euroan. Finala abenduaren 8an izango da.

Kultura Mallabia
ANBOTOKIDE izatea gure komunitatearen parte izatea da, euskararen erabilera sustatzea eta herrigintzaren aktibazioan pausoak ematea.


EGIN ZAITEZ KIDE!