Mallabiko pilotalekuan eliteko gomazko paleta partiduekin gozatzeko aukera dago zapatu honetan, 15:45etik aurrera. Hirugarren mailako finalean Elorrioko talde bi heldu dira finalera: Elorrio A eta Elorrio B. Segidan, Hernani A eta Gure Pilota taldeek bigarren mailako finala jokatuko dute.
Lehenengo mailako txapela irabazteko hautagai biak honako hauek dira: Mendi-Gure / Auña-Larraun. Azkenik, elite mailako txapelaren bila ibiliko dira Irazustabarrena-Mendizabal eta Murillo-Galdos bikoteak. Partiduak ETB4 telebista katearen bidez ere ikusi ahalko dira.