Gaurtik barikura Jurgi Garitagoitia Salegik kartzelan egindako artelanen erakusketa ikusgai egongo da Kontzejuzarrean. 18:00etatik 20:00etara bisitatu daiteke.
Eguenean, 18:00etan, Lander Garrok zuzendutako 'Tipularen sehaska kanta' film-dokumentala eskainiko dute Kontzejuzarrean. Espetxean gaixotasunak suposatzen duen samina bistaratzen du dokumentalak.
Azkenik, zapatuan, 21:00etan, bertso-afaria antolatu dute Beñat Gaztelumendi eta Julio Sotorekin Askalde elkartean. Afarirako txartelak frontoian eta herriko tabernan eskuratu daitezke 25 eurotan. Urtarrilaren 12a da txartelak erosteko azken eguna.