Mallabiko Udalak Trabakua-Longa landa-bidea konpondu eta berriro asfaltatuko du

Trabakua-Longa bidea.

Obra 117.209 euroko prezioan lizitatu da.

Mallabiko Udalak Trabakua-Longa landa-bidea konpontzeko eta berrasfaltatzeko obrak egingo ditu. Horretarako, proiektuaren lizitazioa atera du, 117.209,98ko prezioan, BEZa barne.

Gaur egun egoera txarrean dagoen zorua saneatzea da obren helburua. Trabakua-Longa landa-bideak 1,6 kilometro inguruko luzera du eta BI-430 foru-errepide zaharrari dagokio.

"Errepidea ez dago egoera onean, eta oso beharrezkoa da zoladura konpontzeko eta berriz asfaltatzeko zenbait obra egitea", azaldu du Igor Agirre alkateak.

ANBOTOKIDE izatea gure komunitatearen parte izatea da, euskararen erabilera sustatzea eta herrigintzaren aktibazioan pausoak ematea.


EGIN ZAITEZ KIDE!