Mallabiko frontenis maratoiko txapelak Errioxara eta Salamancara joan dira

Joan zen asteburuan, maila handiko emakumeen frontenis maratoia lehiatu zuten Mallabian. Buruz buruko finala Lorena Barrón errioxarrak eta Ana García salamancarrak jokatu zuten, zapatuan.

Partidu erdira arte, norgehiagoka lehiatua izan zen. Hortik aurrera, Barrón gehiago izan zen eta berak jantzi zuen txapela (12-8). 100 euroko saria ere irabazi zuen.

Domekan, binakako txapelketan, Barrónek eta Garcíak bikotea osatu zuten eta txapela jantzi zuten Inge Sancristobal gueñestarrari eta Laura Sáez gasteiztarrari 8-6 irabazita. 250 euroko saria irabazi zuten.

Durangaldeko albiste garrantzitsuak eta azken ordukoak Whatsapp edo Telegram bitartez jaso gura dituzu? Hauek dira bi aukerak.

WHATSAPP: Bidali ALTA 688 635 041 telefono zenbakira.

TELEGRAM: Batu zaitez @anbotokomunikabideak kanalera.