Oraindino zehaztu barik dago batzar bakarra edo gehiago egingo dituzten. Izan ere, Kontzejuzarrean egingo dituzte batzarrak, baina COVID-19ak eragindako osasun krisiaren ondorioz, 25-30 lagunera mugatu dute aforoa. Beraz, zenbat batzar antolatu jakiteko, interesdunei aurretik izena emateko eskatu diete udaletik. Urtarrilaren 26a da horretarako azken eguna eta modu bitara egin daiteke: udala@mallabia.eus helbide elektronikora idatzita edo 943 17 14 61 telefono zenbakira deituta. Interesaren araberakoa izango da batzar kopurua, eta pertsona bakoitzari adieraziko diote zein batzarretara joan daitekeen.
Batzarrean Eibar klubeko ordezkariak egongo dira Kirol Hiriaren gaineko xehetasunak ematen. Herritarrek aukera izango dute dudak argitzeko eta ekarpenak egiteko.