Gontzal Mendibilek kontzertua eskainiko du maiatzaren 31n

Gontzal Mendibilek kontzertua eskainiko du maiatzaren 31n

Mallabian prest dute Hamabostaldi Kulturaleko egitaraua. Askotariko ekintzen artean, Gontzal Mendibil musikari zeanuritarraren emanaldia nabarmendu daiteke. Maiatzaren 31n izango da, pilotalekuan. Mendibil eta Jasokunde abesbatzen laguntzagaz plazaratuko du bere errepertorio zabala.

Baina emanaldi horren aurretik hainbat ekintza egongo dira Mallabian. Learreta-Markina eskolan emango duten Emozioz hezten izeneko tailerragaz hasiko da Hamabostaldi Kulturala, barikuan, 16:00etan. Gero, 19:00etan, Dantza filma eskainiko dute Kontzejuzarrean, Gazte Alai dantza taldeak antolatuta.

Hurrengo egunerako, maiatzaren 18rako, Mallabia Klasikoak taldeak antzinako autoen eta motorren erakustaldia antolatu du. Goizetik eguerdira artean izango da.