Lagunek animo mezua bidali diote Aitor Elordiri finalaren atarian

Zapatuan binakako Promozio Mailako txapela irabazi dezake pilotari mallabitarrak.

Aitor Elordik eta Oier Etxebarriak Agirre eta Salaverri izango dituzte kontrario. Finala Labrit pilotalekuan jokatuko dute zapatuan, 17:45ean. Mallabitarrari ez zaio babesik faltako. Lagunek eta ezagunek autobusa bete dute eta Labriten izango dira euren pilotaria animatzen.