13 urteko mallabiar bati gibeleko transplantea egin diote Katalunian

13 urteko mallabiar bati gibeleko transplantea egin diote Katalunian

Joan zen uztailean, Kataluniako Vall d´Hebron Ospitalean 8 eta 13 urteko bi umeri transplante hepatikoa egin zieten. Gibel-emailea ere adin txikikoa zen. Ospitale honetan gibel batekin bi umeri transplantea egiten dieten bigarren aldia izan da. 

13 urteko ume mallabiarra Naroa deitzen dela jakitera eman dute. Ospitaleko iturriek diotenez, gaixotasun metaboliko baten ondorioz, gibeleko minbizia zuen. Transplantea egin dioten beste umea Roma deitzen da, eta 8 hilabete ditu. 

Ebakuntza egin eta egun batzuetara Naroak alta jaso zuen, eta osatuta dagoela azaldu dute ospitaleko arduradunek. Romak berriz, ospitalean ingresatuta jarraitzen du, eta bere prozesua bide onetik doala diote.