Lehenengo saioa atzo izan zen, Oñatiko kultur etxean; bigarrena Donostiako Koldo Mitxelena aretoan da, gaur; eta urriaren 10ean, Gasteizko Artium Museoan egingo dute azken saioa. 19:00etan hasiko dira saio guztiak.
Musikaren industriaren egoeraz, sexismoaz, lan-prekarietateaz, birez eta bidaiez, sorkuntza prozesuez eta letren idazkuntzaz jardungo dira, besteak beste, Izaro eta Urbizu. Solasaldiari amaiera emateko, musikari bakoitzak bestearen kanta bat interpretatuko du.