Gaur goizean Mallabian sua piztu da pinadi batean. Gerea auzoan gertatu da SOS Deiak-en arabera. Sorburua eskuetatik joandako kontrolpeko erreketa bat izan dela azaldu dute suhiltzaileetako iturriek. Suhiltzaileen hainbat kamioi bertaratu dira eta dagoeneko sutea kontrolpean dagoela adierazi dute. Ez dago zauriturik suhiltzaileek informatu dutenez.
Astebeteren barruan beste sute bi ere izan dira Mallabian: Lehenengoa Hierros Servando enpresan gertatu zen, Goitondo industrigunean eta bigarrena herriguneko etxe batean.
(Argazkia: @BomberosBizkaia)
