Emakumeak, Afganistan izeneko argazki erakusketa ikusteko azken aukera izango da asteburu honetan: zapatuan eta domekan, 18:00etatik 20:00etara. Gervasio Sanchez argazkilariak eta herrialde hartan bizi den Mónica Bernabé kazetariak 2009 eta 2014 artean egindako lana da.
“Afganistanen agintean egon ziren aldian, etxetik kanpo lan egitea, ikastea eta laguntza medikoa jasotzea debekatu zieten Talibanek emakumeei”, diote. Baina hori Afganistango emakumeek beren etxeetan “bizi duten dramaren icebergaren tontorra” baino ez dela azaldu dute.