Baina, aurrerantzean, gorputzak freskatzeko eta, bide batez, jolasteko gune berria izango dute plazaren ondoan: ur-zurrustak dituen parkea. “Umeak beti iturri inguruan ikusten genituen, eta parke berria irtenbide aproposa iruditu zitzaigun”, azaldu du Igor Agirre Mallabiko alkateak. Ur-zurrustak hainbat tokitatik modu desberdinetara irteten dira, erakargarriagoa eta dibertigarriagoa izan dadin. Ur parkea egiteko lanek hilabete inguru iraun dute, eta 87.000 euro inguruko inbertsioa izan dute.
Komun publikoa
Parkearen ondoan komun publiko bat ere jarri dute. Inguru hori herriko bilgunea da, eta herritarrentzat zerbitzu berria eskaini gura izan dute. Kokapena ez da kasualitatea. Azpitik hoditeria nagusiak doaz (ur-zikinena…) eta argiteriakoak ere bai. Horregatik jarri dute dagoen tokian. Lanek 37.000 euroko inbertsioa eskatu dute.
