Bihar San Juan jaiak hasiko dituzte Goita auzoan

Ekainaren 23tik 25era San Juan jaiak ospatuko dituzte Goita auzoan. Barikuan, 19:00etan, txopoa jaso eta auzo afaria egingo dute Felipe Zelaietaren eta Asier Otamendiren musikak lagunduta.

Zapatuan, 18:00etan, herri kirolak daude eta 20:00etan tortilla lehiaketa. 22:00etan tute txapelketa eta txapel jaurtiketaren III. txapelketa egingo dituzte.

Domekan, mezaren ostean, dantza saioa eta harrijasotzaile erakustaldia daude, besteak beste. 14:30ean paella txapelketari ekingo diote. 17:30ean ume jolasak eta motozerra zein trontza erakustaldiak hasiko dira.