Lehenengo finalerdian Santxok eta Urruzolak 22-10 menderatu zituzten Urbieta eta Erostarbe. Markagailuak erakusten duena baino partidu gogorragoa izan zen: 9-9, 11-9, 15-10, 22-10. Bigarren finalerdia emozioz beteta egon zen; Altunak eta Irustak izerdia sendo botata kanporatu zituzten Arrieta eta Aizpitarte: 22-19. Partidu handia eskaini zuten laurek: 3-3, 5-5, 7-7, 11-8, 15-15, 18-18, 20-18, 22-19. Lau t'erdiko finalerdian Bakaikoak 18-6 irabazi zion Arrizabalagari.
Biharko Izarrak txapelketako 11. aldiko finalak ekainaren 6ko barikuan, 19:30ean, jokatuko dituzte Mallabiko pilotalekuan. Lau t'erdian Bakaikoa eta Labakaren artean dago txapela. Binaka Santxo eta Urruzola eta Altuna eta Irusta neurtuko dira.