Lasterketa ostean herri bazkaria egongo da.
Domeka honetan Mallabiko bigarren mendi duatloia jokatuko dute. Kirola eta jai giroa uztartzea da da helburua, eta lasterketaren harira herrian giroa berotzeko hainbat ekimen prestatu dituzte.
Goizeko 10:00etan gaztetxoei begirako duatloi txikia egongo da. Nagusien lasterketaren ostean, berriz, bazkari herrikoian batuko dira, pilotalekuan. Iazko lehenengo aldiko irudiekin osatutako bideo emanaldi bat ere eskainiko dute.
Lasterketari dagokionez, 11:00etan hasiko da Mallabiko plazatik. Ibilbidea iazkoa baino leunagoa da, baina gogorra hala eta guzti ere.