Biharko Izarrak txapelketan emozio gutxiko partiduak jokatu ziren atzo. Lehenengoan Azpirik eta Telletxeak xehatu egin ziutuzten Albarado eta Aspuru: 22-2. Igor Azpiri elorriarrak eta Telletxeak ez zieten aukera txikienik eman aurkariei.
Bigarren partiduan Urbietak eta Tolosak 22-9 menderatu zituzten Arrese eta Larunbe. Markagailuak besterik erakutsi arren partidu erdira arte parean ibili ziren (11-7). Bigarren zatiaren nondik norakoa Urbietaren joak markatu zuen. Lau t’erdiko partiduan Agirrek 18-9 irabazi zion Labakari.