Baina azkenean ez da posible izan. 2022ko denboraldiari begira, zuzendaritza berriak eta hautatzaileek batzar bat izan zuten, baina, ‘egun on’ esan orduko, kanporatu egingo zituztela esan zieten biei, eurekin “feeling”-ik ez zegoela eta”. Hortxe amaitu zen dena. Astebete geroago, zuzendaritza berrikoek azalpen gutxi batzuk eman zituzten euren web orrian: Euskal Selekzioak “talde zabalagoa eta gardenagoa” izan behar duela. Bada, orain arteko selekzioa baino talde zabal eta gardenagorik! Korrikalariak hautatzeko irizpideak ere eman zituzten. Baina gauza berririk ez, orain arte ere antzeko irizpideak jarraitu izan dira eta.
Oraindik inork ere ez du ulertzen zuzendaritza berriak zer asmo duen aurrera begira. 20 urtean geurea izan den Euskal Selekzioa hile gutxi batzuetan zakutik hartzera bidali dute eta berdin izan zaie. Aldaketak egitea ez da inoiz ere izan txarra, baina denen artean erabaki behar dira aldaketak. Gauzak horrela, nik ere selekzioko korrikalariekin bat egiten dut eta uko egingo diot egungo Euskal Selekzioarekin lehiatzearekin.