60, 80 edo 100 kilometrotik gorako lasterketak dira ultrak, eta batez besteko desnibel metatua asko aldatzen da lasterketa batetik bestera. Badirudi mendiko korrikalariek, ultra eta extreme hitzak bultzatuta edo, gero eta erronka gogorragoak bilatzen dituztela. Askorentzat, zenbat eta luzeagoak eta desnibel handiagokoak izan, hobe. Euskal Herrian bertan baditugu zenbait: Apuko Extrem (65 km), Hiru Handiak (100 km), Euskal Herria Mendi Erronka (63 km), Goierriko Bi Handiak (88 km) edo Ehunmiliak (168 km). Azken biak asteburu honetan dira, Beasainen.
Ikaragarria da lasterketa hauetan izena ematen duen jende kopurua. Hiru Handietan, esate baterako, lehenengo egunean agortu ziren dortsal guztiak. Ultratrailak, beraz, osasun egoera onean daude. Ultratrailetan parte hartzen dutenen osasun egoera ez dela hain ona izango pentsatuko du batek baino gehiagok, gorputzak astindu ederra hartzen duelako. Ondo prestatzea da kontua.
Mendi lasterketen artean gero eta modalitate gehiago ari gara ikusten azken urteotan: laburrak eta azkarrak, luzeagoak eta desnibel handiagokoak, kilometro bertikalak, gauez korritzen direnak eta abar. Baina moda-modan jarri direnak, eta denetan ikusmin handiena pizten dutenak ultra deritzen modalitatekoak dira, lasterketa luze-luzeak.
ANBOTOKIDE izatea gure komunitatearen parte izatea da, euskararen erabilera sustatzea eta herrigintzaren aktibazioan pausoak ematea.
EGIN ZAITEZ KIDE!
EGIN ZAITEZ KIDE!