Aurrekoetan bezala, 10-12 urteko haurrak etorriko dira, neskak eta mutilak. Udako bi hilabete, uztaila eta abuztua, emango dituzte bertan, eta hemen dauden bitartean, mediku azterketak, hortz-haginen errebisioa eta begien azterketa egingo zaizkie haurrei. Familiek ez dute haurraren garraio gasturik ordaindu behar izango, Elorrioko Udalak finantzatzen baititu hegazkina eta aireporturako joan-etorriak.
Hainbat familia izan dira dagoeneko Elorrion haurren bat izan dutenak, galdetu haiei beldurrik gabe, euren esperientziaren berri emateko. Informazio gehiago udaletxean bertan edo 656714551 telefonoan jaso dezakezue, edo lajwadelorrio@gmail.com helbidera idatzita.
Horrez gain, datorren martxoaren 16an, 17:00etatik aurrera Elorrioko plazan ekitaldia izango da: Haima eta henna tailerra, tea, musika, proiekzioa eta merkatu txikia. Argazkia: Oporrak Bakean