anboto.org

Publizutabea

Erabiltzailearen aurpegia   Iritzia

“Zure lur emankorretan / isurtzen diren asmoak / gogotsu hartuko ahal ditu lur gozoak”. Asmoak, ahaleginak eta eginahalak, ilusioak eta egin lanak. Kutxa itxi batean, baina herriari zabalik. Lur emankorretatik mahai gainera, mahaitik ahora, mingainetik mundu osora. Ezer isuri gabe, dena emateko gertu.

“Orma zahar arraituetan / xoriak dira kantatzen / mendetako lo geldia salatzen”. Euskarari puzka datorren nafar hegoaldeko uzta lekuko. Elkarlanak arrakalak josi ditzan herririk herri, auzorik auzo, etxerik etxe. Txoriek txio-txioka kantari jarrai dezaten mahastietan, galsoroetan, orburu-sailetan. Mendetako isiltasunak oihartzuna izan dezan goiko herrietatik behekoetaraino. Bizkaiko itsasotik Ebro ibairaino.

“Nafarroa anaia zaharra / kondairaren lehen sustarra / bego higan arbasoen hizkuntza hura”. Eremu ez-ofiziala egunez egun, otzaraz otzara eta hiztunez hiztun ofizial eginez. Gure otorduak zainzuriz, arrozez, mahats-zukuz eta oliba-olioz koloreztatuz. Zuriaren eta beltzaren arteko mestizajez, ortzadarra ikus dezaten Tuteran, Arguedasen, Andosillan, Lodosan zein Sartagudan.

Zure hotsaren zabalera ortzi-muga den hartara ez dadin mugatu. Gora Erribera! Gora Errigora! Gora Herria!

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa