Osasun publikoa defenda dezagun

Erabiltzailearen aurpegia

Elorrioko osasun zentroan, azkenengo asteetan egoera jasangaitza bizitzen ari gara mediku falta dela eta. Durangaldeko beste herri batzuetan ere gauza bera gertatzen da, egun batzuetan larrialdiak bakarrik atendituz.

Osakidetzako murrizketek langileei eta erabiltzaileei eragiten diete, eta gure osasun publikoaren zerbitzuek pixkanaka klinika pribatuen interesei erantzuten diete. Aldi berean, gure osasun-zentroetako zerbitzuak desagertu, eta osasun-aseguru pribatuen kontsultak eta klinikak ugaritu egiten dira.

Murrizketa horiek zerbitzuaren kalitatea kaltetzen dute, eta osasun-langileen lan-baldintzak murrizten dituzte; gainera, osasun-eredu bat sortzeko bidea zabaltzen dute, non ukatzen den herritarrek duten osasunerako eskubide unibertsala eta doakoa izateko. 

Herritarrei dei egiten diegu osasun publiko, unibertsal eta kalitatezkoa defendatzera, honako aldarrikapen hauetan oinarrituta: 

  • Osasun-zerbitzu unibertsala bermatzea.
  • Prebentziora bideratutako osasuna indartzea.
  • Inbertsioa handitzea lehen mailako arretan.
  • Pribatizazioa geldiaraztea eta pribatizatutako zerbitzuak iraultzea.
  • Osasun-langileen baldintzak hobetzea.
ANBOTOKIDE izatea gure komunitatearen parte izatea da, euskararen erabilera sustatzea eta herrigintzaren aktibazioan pausoak ematea.


EGIN ZAITEZ KIDE!