Jardunaldi Pedagogikoak Zornotzan: "Pertsonen garapenean bidelagun"

Andramari Zornotzako ikastolak antolatutako bigarren Jardunaldi Pedagogikoak egingo dira azaroaren 4 eta 12an Zornotzako Zelaieta Zentroan. "Pertsonen garapenean bidelagun" izenburuko jardunaldiotan akonpainamendua izango da aztergai nagusia, ikasleei beren garapenean familiak, irakasleek eta komunitateak egiten diegun akonpainamendua, hain zuzen ere. 

Horretarako bi saio izango ditugu: 

• Azaroaren 4an "Akonpainamendua. Irakasle, familia eta komunitatea bidelagun" izenburupean bi hitzaldi nagusi eskainiko dira. Harremanak elkarteko Olatz Berastegi eta Ana Elosegik eskainiko dute lehen hitzaldia eta Ikastolak mugimenduko Eli Altolagirrek bigarrena. 
• Azaroaren 12an "Komunikazioa, akonpainamendurako gakoak" izenburupean Komunikazio Ez-Bortitzean aditu den Nerea Mendizabalek eskainiko du hitzaldia. 

Jardunaldiak irekiak eta doakoak izango dira. 

Izen-ematea eta informazio gehigarria: andramarizornotzakoikastola.eus