Izan ere, uste ohi denaz bestera, emakumeek beti egin dute lan etxe barruan eta kanpoan, gizarteek arlo guztietan aurrera egin zezaten. Alabaina, askotan ez dakigu zein diren ekarpen horiek, historiak isildu egin dituelako. Orain dela gutxi arte historiak ez du gutaz hitz egin, kontzientzia hartutako emakume batzuk iragana genero-ikuspegitik lantzen hasi diren arte.
Instituziook ere beste horrenbeste egin dugu. Udal honetan gauden emakumeok ahalegina egin dugu emakumeek izandako lorpenak berreskuratzeko eta ezagutzera emateko.
Dakizuenez, hainbat ekimen egin ditugu, besteak beste, espazio publiko batzuei emakumeen izena eman eta ikerketa historikorako beka-deialdia egin. Berdintasun Arloak antolatu dituen jardueren artean, argazki-erakusketa nabarmendu behar dugu: urriaren 25etik azaroaren 16ra arte egongo da ikusgai Andragunean, eta Udal Artxiboaren lankidetzarekin prestatu dugu. Arlo asko jorratzen dira, emakumeek hainbat zeregin bete baitzituzten historiako subjektu gisa: nekazariak, jornalariak, eskulangileak, garbitzaileak, inudeak, hazamak, maistrak, etab.