TTIP-aren arriskua Durangaldean

Erabiltzailearen aurpegia

TTIP-a, Europar Batasunaren eta Estatu Batuen arteko Merkataritza eta Inbertsio Lankidetza Transatlantikoa, oraindik oso ezezagun egiten zaie herritarrei. EAJk, PSOEk eta PPk enplegua sortzeko baliabide ezinbestekotzat saldu nahi digute akordio hori, baina errealitateak erakutsi du akordio horrek ondorio larriak ekarriko dizkigula gure eguneroko bizitzan. Besteak beste, elikagaien segurtasunean, lanaren babesean, eta baita demokrazian ere.  

Durangaldearen industrializazioa dela-eta, enplegua desegonkorragoa izango da, eta gure lan eskubideak murritzagoak. Ez dezagun ahaztu Estabu Batuek ez dutela Lanaren Nazioarteko Erakundearen  hitzarmen asko berretsi nahi izan; oinarrizko lan-arauei dagozkienak, hain zuzen. Horrek ondorio larriak ekarriko dizkie    nekazari eta abeltzainei, eta beraz, baita kontsumitzaileei ere. Zuhurtasun-printzipioa erabat  alboratuta geratuko da, eta kontsumitzaileek eurek erakutsi eta frogatu beharko dute zerbait kaltegarria den ala ez. Hartara, ateak zabalduko zaizkie hormonekin tratatutako haragiei edota kloroz garbitutako oilaskoei. Gainera, Estatu Batuek jatorrizko izendapenak kendu nahi dituzte, euren arabera, euren produktuak ezin direlako lehiatu jatorrizko izendapena dutenekin, arazo geografikoak tarteko.

Hauxe da inposatu nahi diguten errealitate berria: botere legegile eta ekonomiko handiagoa duten multinazional handiak, eta ez demokratikoki aukeratutako erakundeak. Ordua da mobilizatzeko eta TTIP-ari ezetz esateko. Fracking-a gelditu dugu, eta TTIP-a ere geldituko dugu!
*Erredakzioan itzulia

Durangaldeko albiste garrantzitsuak eta azken ordukoak Whatsapp edo Telegram bitartez jaso gura dituzu? Hauek dira bi aukerak.

WHATSAPP: Bidali ALTA 688 635 041 telefono zenbakira.

TELEGRAM: Batu zaitez @anbotokomunikabideak kanalera.