Nazioarteko txapelketa batean parte hartzea, Europako eta munduko atleta hoberenen artean egotea eta beraien aurka lehiatzea atleta guztiok daukagun ametsetako bat izaten da. Nahiz eta horretarako, Espainiako selekzioarekin parte hartu behar izaten dugun. Amets hau lortzea ez da batere erraza izaten, eta egunero gogor entrenatzen gara horrelako esperientzia bat bizi ahal izateko. Esfortzuaren ondoren, eta lortutako helburuaren ondoren, ez da erraza honi uko egitea.
Argi dago bakoitzaren erabakia dela guretzako arrotza den selekzio bat ordezkatzea, edo horri uko egitea, gure pentsaera eta sentimenduak ez apurtzeko. Baina, denok dauzkagu kontraesanak, eta batzuetan gure printzipioak apurtu behar izaten dira, egoerak horrela behartzen gaituenean, beti ere kontziente izanik egiten dugunaz. Hau epaitu aurretik, kontuan hartu behar da beste era batean ezinezkoa dela nazioarteko kirolariekin lehiatzeko aukera izatea, beste kirol batzuetan ez bezala. Argi dago nire benetako ametsa horrelako txapelketa batean nire selekzioa ordezkatuz parte hartzea izango litzatekeela.