Zeri diote beldurra? Agian herritarrek jakiteari zenbat emakumek jasotzen duten tratu txarra salaketa jartzera ausartzen direnean. Edo beharbada ez dute nahi ikusaraztea baliabideen eskasia, protokolo zaharkituak eta sistemaren moteltasuna.
Baina isiltasunak ez ditu arazoak konpontzen.
Indarkeria matxista pandemia ikusezina da, eta osoko bilkuran eztabaidatzeko aukera ukatzean, gure ordezkariak pandemia horren konplize bihurtzen dira.
Durangoko emakumeek ez dute urtean behin txalorik behar; behar dutena da eguneroko sistema eraginkor bat, haien eskubideak bermatuko dituena. Baina, horretarako, arazoa mahai gainean jarri behar da. Alderdi nagusiek erosotasun politikoa lehenetsi dute justiziaren aurretik. Hori, azken finean, indarkeriaren beste forma bat da.
Durangoko emakumeek hitza eta justizia merezi dituzte. Isiltasuna ez da inoiz konponbidea izan.