Motibazioa lesio prozesuetan

Kirolari baten motibazio maila ez da beti goian egoten. Adibidez, lesio bat agertzen denean, zaila izaten da burua indartsu izatea errekuperazio prozesuan. Momentu zailetan motibatuta egotea garrantzitsua da errekuperazio arrakastatsua lortzeko. Lehenik eta behin, ezinbestekoa da lesioa onartzea eta ulertzea. Motibatuta egoteko estrategia on bat helburu errealistak ezartzea da. Berreskuratze-prozesua fase txikiagoetan zatitzeak bideratzen lagungarri gerta daiteke eta aurrera egiten ari zarela senti dezakezu. Mugarri txiki guztiak ospatu! Mugikortasuna areagotzea edo mina murrizten doala sentitzea.

Era berean, laguntza fisikoa eta emozionala bilatu. Medikuarekin hitz egin, terapeuta fisikoarekin edo prestatzailearekin orientazio eta aholku eske. Antzeko lesioak jasan dituzten beste kirolariekin konektatzea ere lagungarria da, esperientziak partekatzea eta elkarrenganako animoak jasotzea inspiratzailea eta pozgarria izan daitekeelako.

Gainera, ez ahaztu zure bizitzako beste arlo batzuk. Gustatzen zaizkizun beste jarduera batzuk egin ditzakezu. Mantendu dieta ona eta zaindu zure osasun mentala. Zure kirol eta bizitza pertsonalaren arteko oreka ezartzeak ikuspegi zabalagoa mantentzen lagunduko dizu eta errehabilitazioan motibatuta egoten lagunduko dizu.

Azkenik, gogoratu lesio bakoitza kirolari gisa ikasteko eta hazteko aukera dela. Erabili denbora hau zure entrenamenduaren ahuleziak identifikatzeko, zure teknika hobetzeko eta etorkizuneko lesioak saihesteko. Kirol lesio batean motibatuta egotea zaila izan daiteke, baina pentsamolde positiboa, helburu errealistak, laguntza eta dedikazioarekin, oztopo hau gainditu eta inoiz baino indartsuago itzul zaitezke. Ez etsi eta eutsi gogor zure errehabilitazioan!

ANBOTOKIDE izatea gure komunitatearen parte izatea da, euskararen erabilera sustatzea eta herrigintzaren aktibazioan pausoak ematea.


EGIN ZAITEZ KIDE!