anboto.org

Badator Euskaraldia Durangora!

Erabiltzailearen aurpegia   Gizartea

Durangoko Euskaraldiko kide batzuk Bizkaiko batzordeen mintegian parte hartu genuen, atzo. Formazio saio hau Elkarteagian, Topagunearen egoitzan egin genuen.

Hizkuntza ohituretan eraginez euskara sustatzeko ekimena abian da Euskal Herri osoan, eta Durangon ere gogotsu ekin diogu bideari. Laister izango duzue belarriprest eta ahobizi izateko aukera. 
 

Zer da Euskaraldia?

Euskaltzaleak aktibatu nahi ditugu beren egunerokoan euskaraz bizitzeko urratsak eman ditzaten. 2018ko azaroaren 23tik abenduaren 3ra, Euskaraldia: 11 egun euskaraz ekimena gauzatu nahi dugu Euskal Herri osoan, baita Durangaldean ere.

Zelan parte hartu?

Hamaika egun horietan, 16 urtetik gorako herritarrak ahobizi eta belarriprest bihurtu nahi ditugu. Ahobiziak, ulertzen duten guztiei euskaraz hitz egiten dieten lagunak dira (baita ezezagunei lehen hitza, gutxienez, euskaraz egiten dietenak ere). Belarriprestak, berriz, gutxienez euskaraz ulertzen duten kideak dira, gainontzekoei euskaraz aritzeko gonbidapena luzatzen dietenak. Parte hartzeko izen-ematea zabalduko da, eta identifikaziorako txapa baliatuko dute guztiek.

 

 

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa