Taupadak

Kontzertu honekin Nafarroan murgilduko gara, Fran Idaretaren lanarekin eta Alberto Gonzalez Urroz-en moldaketarekin, euskararen taupadak iritsi diren eta iristen diren lekuetara batez ere: Lantz,  Ituren,  Orreaga, Otsagabia,  Iruñea,  Erribera  edota  Sakana. Herri  hauek  aukeratu  ditu    haien  inguruan  musika kultura  garrantzitsua  sortu  dutelako  mendeetan  zehar,  zeintzuk  euskara  musikaren erreferentzia bihurtu  diren  Nafarroako lan hauek: Lantz-eko inauteriak,  Axuri Beltza,  Erribera eta Oi Baldorba besteak beste.
Ararat, Bihotzean Itsasargi, Lantz, Axuri Dantza, Orreaga, Erro-uneak, Aitor, Mari, Aixita eta azkenik Lingua navarrorum izango dira Tabira musika bandak eta Durangoko Orfeoiak publikoari eskainiko dizkioten hamar kantak. Juan  Mari  Beltranek,  musikari  eta  folklore  ikertzaileak,  baieztatzen  zuen,  hurrengo belaunaldiei  baldintza  hobeezinetan  pasatu  ahal  izateko,  jasotako  legatua  oxigenatu  behar dugula. Musika proiektu honek bide hori apuntatzen du.  Honekin ez da  seinalatutako herriko melodiak  edota  mitologia  inguruan  sortutako  sinismenak  berrezkuratzea  soilik  nahi, eguneratzea ere nahi da, hau da, bizi izatea tokatu zaigun garaiaren eragina beraiei gehitzea eta nazio edota nazioarteko musikari entzutetsuenak partaide eginez indartzea. Beti ere Euskarak duintasunez  bizirik  jarraitzeko,  aberastuta  eta  halako  melodiek  gaurko  eta  etorkizuneko belaunaldietan  izan  dezaketen  inpaktuak  babestuta,  beti  ere  beste  kultura  desberdinak errespetatuz.
Taupadak ikuskizun kementsua da, melodia ederrekin eta erritmika ezin bizkorragoekin, harmonia  berriekin,  euskal  folklorearen  kanta  herrikoiak  ikuspegi  berri  eta  liluragarri  batetik entzuteko aukera izango duzue.