Elektrotxarangak, bingo musikatuak eta batukadak. Cheren koadroa, Marisa eta telebista ikusteko tenedorea. Barrura eta udaletxeko plazako, zein BBVA aurreko kanpaldiak. Gure kuadrillan mozkorrak franko. Es babor quien gana a estribor. Turuta eguna. Ernai, Dominika, Biribilketa, Zaldibarko Jendeak, eskualdeko bizikleta martxa feminista, Durangaldeko gaztetxe topaketak eta Durangaldeko autogestio eguna. Motibazio asteburuak. Bertan lo egiteko gaba pasak eta lo egitera agertzen ez direnak. Euskararen aldeko Korrika, txirringa poteoak eta deneriko bingoak. Monologoak, onak eta txarrak. Ordu luzetako auzolanak. Antzerkiak. Ping-pong eta futbolin txapelketak eta pintxo lehiaketak. Gogoetak, autokritika eta konpromisoa. Kontzertuak, erromeriak, parrandak eta bezperako juerga usaina. Zubipeko txiz parrastadak. Zerrautsa. Garbiketa saio luzeak eta garbitu gabeko kazuelak. San Joan suetako txokolatadak. Preso eta iheslariekiko elkartasuna. Gurea Da Garaipena, Preso Bat Gara Bat. Kuadrilla desberdinekin elkartzea, jendea ezagutzea, ligoteo sanoa eta kalabazak jasotzea. Kontzertua hasi behar denean whatsappa zabaldu eta “ei jente, igo gaztetxera!” idatzi edo irakurtzea. Patatak zuritzea, sukaldean ikasi eta bazkaria prestatzeko lo geratzea. Goizaldeko eskatzeko solomo janak. Burbujeroak, Budokai Tenkaichi 2 eta La Naranja Mecanica. Chals. Baserritar jantzia, hasierako kamisetak eta zapi gorria. Pegatak, kondoiak, banderolak eta pankartak. DJ karro, DJ Paki eta zorigaiztozko generadorea. Neguko jaietako kuadrillarekin argazkia. Talde argazkiak. Kanbio barik geratzea eta urte batzuk geroago barrako dirua etxean topatzea. Turuta eguna eta kadeneta luzeak. Saltxitxautoaren lehen aldiz agertu zenekoa eta furgoneta erosteko ideia. Turnoak eta hauek betetzeko komeriak. Jasandako lapurreta, erasoak eta autobidetik eroritako kamioiak. Lana, nekea eta erabakiak hartzea. Dantza egin eta aske sentitzea. Zentauroak.
Hogei urte eta hamaika bizipen. Ezin aipatu gabe utzi aurretik egondakoak. Udaletxe atzeko lokala, tren estazioko gaztetxea eta Katuetxea. Hasiera askorentzako. Eskola, etxea, babesa eta babes gunea. ZARATA. Haur, gazte, heldu eta zahar, denok elkartuko gara hurrengo astean. 20 urtez zaratie eitten. Zorionak, Zaldibarko Gaztetxea.