Haizeteen ondorioz argindar sarea toki batzuetan txarto dagoela eta batzuetan argirik barik geratzen direla azaldu du Lorea Muñoz alkateak. "Horregaitik, apurka-apurka, txartoen dauden guneak konpontzen joango gara", esan du Muñozek. Horregaz batera, Mañariko noranzkoan eta errepideko ezkerreko aldean orain urte bi egindako espaloi zatia herriguneraino luzatu gura dute.
Beste 40.000 euro Txakurzuloko eraikina eraberritzeko erabiliko dituzte. Gaur egun, udalak enpresa bati alokatuta dauka eraikin hori.
"Ongizatera" begira
"Herritarren ongizatea hobetzera begira" egindako aurrekontuak direla nabarmendu du Lorea Muñoz alkateak. EAJko Batirtze Motak eta Aroa Gonzalezek euren baiezkoa arrazoitu dute. "Aldatu diren diru atalak beharrezkoak dira herriko gastuetarako, eta proiektu berrietarako dirua herritarrek parte hartze foroetan eskatutakoa da",