Talde biek ondo ezagutzen dute Izurtzako plaza, hainbat bider jo dute jaietan eta. Lotxorentzat bere bigarren etxea da ia. 2002tik hona urtero jo du Izurtzan, jairik egin ez den pandemiako urte bietan izan ezik. Bestela esanda, aurten hamazortzigarrenez segidan emango du kontzertua Izurtzako jaietan, Santa Ageda ermitaren ondoan. Luhartzen marka ez da hainbestera heltzen, baina hauek ere ohiko bisitariak dira azken hamarkadan: 2012an jo zuten lehenengoz, eta aurten zazpigarrenez arituko dira herriguneko plazan.
Lehiaketak
Erromeriez gainera, badira jai-giroa sortzen laguntzen duten beste hainbat ekimen ere. Esaterako, irailaren 3ko paella txapelketa. Aurtengo paellak itsaskiekin egindakoa izan beharko du. Lehiaketaren ondoren, herri bazkarian batuko dira denak. Tortilla egiten paella egiten baino abilagoa denak irailaren 10ean du horretarako aukera. Kasu honetan ere afari herrikoia egingo dute lehiaketaren ondoren.