Etxeko animaliak batu eta zaintzearen gaineko ordenantza onartu dute Izurtzan

Izurtzako azken udalbatzarrean aho batez onartu dute etxeko animaliak batzeko eta zaintzeko zerbitzuaren tasak arautzen dituen ordenantza. Orain, ordenantza Bizkaiko Boletin Ofizialean argitaratu dute eta alegazioak egin daitezke.

Prozesu horren ondoren onartuko dute behin betiko. Ordenantza honen ondorioetariko bat honako hau da: aurrerantzean, etxeko animalia bat Izurtzako lurretan aurkitu, jabea nor den jakin ez, eta zainketa gune batera eramaten denean, gune horretan sortzen diren gastuak animaliaren jabeak ordaindu beharko ditu. Orain arte udala egiten zen gastu horien kargu, ez zegoelako arlo horretako ordenantzarik. Beste ondorio bat honako hau da: lehen, jabeak gura zuenean jaso zezakeen bere etxeko animalia zentrotik; aurrerantzean, udaletxera joan beharko du lehenengo, zainketa lanen gastuak ordaintzera. Behin ordaindutakoan jaso ahalko du animalia.

Durangaldeko albiste garrantzitsuak eta azken ordukoak Whatsapp edo Telegram bitartez jaso gura dituzu? Hauek dira bi aukerak.

WHATSAPP: Bidali ALTA 688 635 041 telefono zenbakira.

TELEGRAM: Batu zaitez @anbotokomunikabideak kanalera.